FABULOUS ANIMALS 

Ydych chi’n artist corfforol / perfformiwr / dawnsiwr yn medru gwneud gwaith byr-fyfyr? Neu’n artist gyda diddordeb mewn defnyddio’ch corff i ysbrydoli gwaith?

 

Mae Joon Dance yn chwilio am hyd at 18 artist i gymryd rhan mewn cwrs o 6 sesiwn somatig, fel man cychwyn i greu gwaith perfformio newydd. Ar ôl prosiect ymchwil unigol Zosia, 2019/20 rydym yn bwriadu newid y symbyliad. Defnyddiwn ddychymyg ac ymwybyddiaeth y corff i greu teimlad byw o ymgnawdoliad mewn corff anifail, sydd ar yr un pryd wedi’i ymgnawdoli a hefyd yn chwedlonol. Yn fras, rydym ni’n chwarae (o ddifri) bod yn anifaeliaid! Wedi’i datblygu yn y lle cyntaf i fod yn ymarferiad ecoffemenistaidd i ailwylltio, mae’n anelu at hawlio’r corff yn ôl o gonfensiynau rhywedd ac i alluogi’r symudwr i wneud dewisiadau ynghylch sut maen nhw’n bodoli mewn gofod. Mae hi am bleser, pŵer, greddf a gorffwys creiddiol. Fel ymarferiad rydym wedi’i gweld hi’n drawsnewidiol ac rydym yn ei gweld hi’n gyforiog â photensial perfformio. Byddwn ni’n ymarfer y sgôr mewn sesiwn Zoom wythnosol, yn symud ac yn dylunio mewn ffyrdd agored ac unigol, ac wedyn yn trafod ein profiadau.   

Ar ddiwedd y broses gwahoddwn nifer o bobl i barhau yn y broses o greu Fabulous Animal gyda ni. Gall hyn fod fel performwyr yn y sioe fyw, neu fel cydweithwyr mewn ffilm fer. Hwyrach, yn ystod y broses gewch chi syniad rydych eisiau mynd ar ei ôl a gallwn eich cefnogi ynddo. Hwyrach bod hi’n well gyda chi ymuno er mwyn eich datblygiad personol neu broffesiynol, sydd hefyd yn iawn. Rwyf am i hyn fod yn broses organig i ni i gyd. Dydyn ni ddim yn cychwyn gyda syniadau cadarn o ble byddwn ni erbyn y diwedd. Mae’r chwech wythnos hyn i chi, ac mae beth sy’n digwydd wedyn i’w drafod gyda ni pan byddwn ni’n cyrraedd.

​

Sesiynau: Bob dydd Llun, Mai 30ain - Gorffenaf 4ydd, 10am - 11.30am

 

CROESO I BOB RHYWEDD. Rhoir blaenoriaeth i Gymry ac i berformwyr â’u gwaith yng Nghymru.

​

“Er ‘mod i’n gwybod (o brofiad personol) gall y prosiect hwn apelio a bod o les penodol i ferched, pobl anneuol, a phobl LGBTQ++, dydw i ddim am eithrio na gwneud enghraifft o neb, a dw i’n cydnabod bydd pobl ‘falle eisiau adfeddiannu eu cyrff am resymau gwahanol. ‘Dyn ni’n gobeithio rhoi cast amrywiol at eu gilydd. Mae croeso i unrhyw un cyn belled â’u bod nhw’n agored. Fydd y perfformiad hefyd DDIM am hanes y perfformwyr nac yn tynnu ar eu hanesion, gwell gen i wneud gwaith o le diogel a chydradd, ac anelu at greu iwtopia llawen, cwiyr gwyllt ar y llwyfan. Zosia x”

​

Rydyn ni’n gwybod pa mor anodd ydi hi fel artist llawrydd i neilltuo amser ar gyfer datblygu a hyfforddiant, felly fe dalwn ni artistiaid a gwahoddir tâl o £40 y sesiwn.

Os ydych chi am gymryd rhran yn y cwrs llenwch y ffurflen syml hon i wneud cais os gwelwch yn dda:

​

Dyddiad cau 09/05/22